Француската даночна служба бара од американскиот интернет гигант „Гугл“ да плати 1,6 милијарди евра на име заостанат данок, јави дописникот на МИА од Париз.
Според информациите пренесени во повеќе француски медиуми, Министерството за финансии на Франција одбило да ја коментира оваа информација, повикувајќи се на одредбата за „даночна тајна“.
Објавувањето на информацијата за заостантиот долг од 1,6 милијарди евра се совпадна со престојот на генералниот директор на „Гугл“, Сундар Пичаи во Париз, каде треба да се сретне со министерот за економија Емануел Макрон.
Засега нема информации дали даночното прашање ќе биде една од точките на разговорите на Макрон и Пичаи.
– Ние не бевме информирани за ова досие, иако сме во преговори со децении, изјаву еден извор од подружницата „Гугл Франција“, која вработува 700 лица. Според него, објавувањето на овие информациите е „помалку изненадувачко“.
Француската даночна служба на почетокот на месецот тврдеше дека нема да преговара за износот на данокот кој треба да го плати „Гугл“, како што направи и британската влада. Покрај Франција, и Италија бара од „Гугл“ наплата на заостанат данок.