Најмалку пет лица загинаа, а стотина се повредени во силната експлозија која доцна синоќа се случи во фабрика за вештачко ѓубриво во Тексас.
Во експлозијата која ја погоди фабриката за вештачко ѓубриво во градот Вест, на стотина километри јужно од Далас, за чија што причина се уште не се знае, уништени се поголем број куќи, згради како и еден дом за стари лица кој се наоѓал во близина.
Се стравува дека 70 лица настрадаа во несреќата, меѓу кои и петмина пожарникари и еден полицаец.
Власта издаде наредба сите три илјади жители да го напуштат градот, поради отровната пареа која се шири низ воздухот.
Портпаролот на Одделението за јавна безбедност на Тексас Ди Ел Вилсон потврди дека се работи за стотци повредени и голем број уништени домови.
Тој истакна дека и од домот за стари лица се евакуирани 150 лица, но и дека некои од нив не успеаа да излезат.
Елена Георгиевска