Фондацијата на семејството Клинтон соопшти дека ќе ги ограничи донациите од владите на шест држави, откако Хилари Клинтон одлучи да се кандидира за претседателските избори во САД, пренесоа британските медиуми.
Австралија, Канада, Германија, Холандија, Норвешка и Обединетото кралство, се земјите кои ја финансираат дејноста на фондацијата во областите како што се климатските промени или економскиот развој.
Фондацијата вети дека четири пати годишно ќе ги објавува имињата на своите нови донатори.
Хилари во неделата се повлече од управниот совет на фондацијата , кога соопшти дека ќе се бори да стане кандидат на Демократската партија за претседателските избори во САД во 2016 година.