Руското Министерство за правда ги додаде фондациите на британскиот музичар Елтон Џон на списокот на странски и меѓународни невладини организации чии активности се сметаат за непожелни на територијата на Русија, објави веб-страницата на министерството.
„На списокот се британската и американската фондација за СИДА Елтон Џон, како и британската организација Правда за новинарите“, се вели во соопштението, пренесе ТАСС.
Претходно, Руското државно обвинителство ги прогласи фондациите на Елтон Џон како непожелни во Руската Федерација, бидејќи тие се „ангажирани во клеветење на Русија“ од почетокот на конфликтот во Украина.