Претседателката на Европската комисија, Урсула фон дер Лајен, реагираше откако руски дрон се урна во станбена зграда во Галаци.
„Руската агресорска војна премина уште една црвена линија. Напад со руски дрон погоди густо населена област во Романија, при што беа повредени цивили. На територијата на Европската Унија. Ние целосно стоиме зад Романија и нејзините граѓани. Додека продолжуваме да ги зајакнуваме нашите безбедносни и одбранбени капацитети, особено на нашата источна граница, ќе продолжиме да го зголемуваме притисокот врз Русија“, напиша Урсула фон дер Лајен на X.
Таа објави дека се подготвува 21-ви пакет санкции против Русија.