Судот во Тампа, во американската држава Флорида покрена обвинение против дваесет и осумгодишниот Филип Лавоа, пилот на приватен авион, бидејќи управувал со летало во алкохолизирана состојба.
Во обвинението се наведува дека поради присуство на 0,27 промили алкохол во крвта, во декември изгубил контакт со контролната кула додека летал од Флорида кон Северна Калифорнија.
Дежурните во контролата забележале дека авионот чудно се однесува и одстапува од својот пат.
Инспекторите тврдат дека Лавоа бил во видно алкохолизирана состојба и дека се смеел по слетувањето.
Адвокатот Самер Голдман изјави дека неговиот клиент доброволно се пријавил на третман за одвикнување од алкохол.
Елена Георгиевска