Велика Британија ќе се спротивстави на плановите на Европската Унија за воена соработка, и покрај тоа што одлучи да го напушти блокот, изјави денеска британскиот министер за одбрана Мајкл Фалон.
– Ние ќе продолжиме да се спротивставуваме на секоја идеја за заедничка армија на ЕУ или пак, формирање заеднички генералштаб, со што само би ја ослабнале дејноста на НАТО, рече Фалон за време на средбата на министрите за одбрана во Братислава.
Прашан – дали Лондон ќе стави вето на таквите планови, додека се уште е дел од Европската Унија, британскиот министер одговори: „Тука нема мнозинство за армија на ЕУ“.
– Има редица други држави, коишто мислат како нас, дека тоа ќе го ограничи суверенитетот на одделните национални држави, дополни Фалон.