Невработените лица на пазарот на Европската Унија сочинуваа 11,7 проценти од вкупната работна сила во 2024 година, што претставува 26,7 милиони луѓе на возраст од 15 до 74 години, објави Евростат.
Статистичката служба на ЕУ забележува дека станува збор за луѓе достапни за работа, но не учествуваат на пазарот на трудот со својот целосен потенцијал.
Овој број ги вклучува невработените и недоволно вработените лица, оние кои бараат работа, но не се веднаш достапни за работа и оние кои се веднаш достапни за работа, но не бараат работа.
Со мали флуктуации, невработеноста на пазарот на трудот на ЕУ се намалува во текот на деценијата, паѓајќи од 18,6 проценти во 2015 година.
Меѓу земјите од ЕУ, Шпанија ја забележа највисоката стапка на невработеност во 2024 година (19,3 проценти), по што следуваат Финска (17,9 проценти) и Шведска (17,8 проценти).
Спротивно на тоа, најниските стапки на невработеност беа во Полска (5,0 проценти), Малта (5,1 процент) и Словенија и Унгарија (и двете 6,3 проценти).