Европол: Уапсени 56 лица поради измами со кредитни картички

Од:

Во координирана акција на полициски служби ширум Европа уапсени се 56 луѓе – 38 во Бугарија, 17 во Италија и еден во Холандија, осомничени за измами со кредитни картички, соопшти Европол.

Операцијата спроведена оваа недела ја воделе полициските служби во Италија и Бугарија со координација од Оперативниот центар со седиште на Европол во Хаг. Уапсени се главните осомничени од организираната група и откриен е објект во Пловдив каде се изработувале уреди за читање картички.

Во акцијата само во Бугарија учествувале повеќе од 300 полицајци. Операцијата почнала во декември 2010 година кога беа уапсени 105 осомничени.

Организираната група развила исклучително напреден систем со кој се измамени неколку илјади сопственици на кредитни картички во 20 европски држави, се вели во соопштение.

Криминалците од групата краделе броеви и ПИН кодови со поставување читачи во автомати за подигнување пари, а проценките се дека месечно присвојувале околу 1,5 милиони евра на илегални трансакции, претежно во Доминиканска Република и Перу. Експерите од Европол кои учествувале во таа операција ќе бидат дел од главниот тим во Центарот за кибер-криминал кој ќе биде отворен на 11 јануари во Хаг.

Би можело да ве интересира

Фрлена црвена боја, запалена вратата од зградата на ЕУ во Софија: Демонстрантите создаваат хаос поради воведувањето на еврото

Евростат: Италија има најстарото население во Европа, просечна возраст 48,7 години

Земјотрес ја погоди Бугарија

Горан Наумовски

Европол: 14 лица уапсени во Шпанија и Португалија за перење пари

Рим: Постара жена загина во пожар во стан, нејзината ќерка е во тешка состојба

Горан Наумовски

Питбул уби бебе во Италија – таткото го нашол детето во локва крв

А1он