На барање на Данска, неколку европски членки на НАТО се подготвени да испратат ограничен број војници во Гренланд, објавуваат западните медиуми.
Седум европски земји ја потврдија својата подготвеност да учествуваат во оваа иницијатива, а планирано е да се испратат вкупно нешто повеќе од 30 војници. Проценките покажуваат дека околу 34 припадници на вооружените сили би можеле да бидат испратени во Гренланд во блиска иднина.
Според извештаите, најголем број војници би испратиле Франција и Германија – 15 француски и 13 германски војници. Другите земји учеснички планираат симболично присуство: Норвешка и Финска ќе испратат по двајца офицери, додека Обединетото Кралство и Холандија имаат намера да испратат по еден офицер.