Ирска промовираше пред Европската Унија нов систем за рангирање на универзитетите, наречен „U-Multirank“. Според ирскиор министер за образование Руаири Квин и еврокомесарката за образование Андрула Василиу, новиот систем ќе ги напушти типичните методи на рангирање на институции кои се фокусираат на истражувања.
Наместо тоа, ќе се фокусира на пет одделни области: квалитет на предавање и учење, интернационална ориентација, успех во размена на знаење, репутација за истражувања и придонес за регионален развој. Во првите истражувања на системот се очекува да се приклучат 500 водечки универзитети низ светот, а резултатите да бидат објавени на почетокот на 2014 година.
Сегашниот систем на рангирање не ги одразува потребите на сите засегнати, вклучувајќи ги и студентите, бизнисот и владите, а покрај тоа до сега американските универзитети ги доминираа интернационалните рангирања, но отсега најверојатно на врвот ќе бидат европските и азиските универзитети.