Делегацијата на Европската унија во Украина најави дека ќе им помогне на „повеќе од 700 илјади Украинци во текот на зимата“. Во денешното соопштение за печатот, Канцеларијата на Меѓународната организација за миграција (ИОМ) во Украина посочува дека „ги засилува напорите да им помогне на раселените и погодените од војната да го преживеат студеното време“.
Поддршката предвидува поправки на колективните центри за раселени лица, подобрувања на системите за водоснабдување, за канализација и за греење, поправки на оштетените куќи и обезбедување топли прекривки, постелнина, душеци и средства за хигиена, се наведува во соопштението.
„Програмата обезбедува и цврсти горива и парична помош за да им помогне на луѓето да имаат средства за егзистенција. Ова финансирање, исто така, ќе му овозможи на ИОМ да обезбеди достапност на критичните ресурси за да се осигура дека помошта продолжува да допира до населението погодено од војна и да ги поддржува партнерските организации кои одговараат на итните потреби на теренот, додаваат тие.
„Ранливите слоеви од населението на Украина минуваат низ најтешката зима. Додека нападите продолжуваат, оставајќи милиони без сигурен пристап до електрична енергија, греење и вода, нашите хуманитарни партнери, вклучително и ИОМ, продолжуваат да работат на задоволување на најитните потреби“, рече Клаудија Амарал, шеф на Генералниот директорат за цивилна заштита на Европската комисија. и хуманитарна помош во Украина.
Извор: МИА