Земјите од Европската унија денеска се договорија за нови санкции против Русија преку писмена процедура на постојаните претставници, соопшти портпаролката на Европската комисија Пиа Аренкилде, цитирана од ИТАР-ТАСС.
-ЕК во текот на денот на Советот на ЕУ ќе му предложи казнени мерки против Руската федерација. Содржината на новите санкции денеска нема да биде откриена, изјави Аренкилде.
Портпаролката на високикот претставник на ЕУ за надворешна политика и безбедност Кетрин Ештон, Маја Коцијанчич забележа дека Европската комисија при донесувањето на одлуката за санкциите ќе ги земе предвид последните резултати од преговорите меѓу претседателите на Русија и Украина, Владимир Путин и Петро Порошенко, но очекува и дополнителна информација.