Повеќе од 15.000 лица се евакуирани до сега од ерупцијата на вулканот Синабунг во Индонезија, што се случи во неделата.
Локалните авиокомпании, исто така, се предупредени да го избегнуваат Синабунг од кој и натаму излегува густ столб од чад.
Вулканот, кој е висок 2.600 метри, еруптираше во неделата по трогодишно мирување.
Уште посилна ерупција следеше два дена подоцна и тогаш дојде до исфрлање на вулкански пепел и чад на височина до три километри, а на падините на вулканот избувна и пожар.
Во претходната ерупција на Синабунг во август 2010 година, загинаа две лица, а 30.000 лица беа евакуираат.
Индонезија има околу 130 активни вулкани и се наоѓа во огнениот престен во Пацификот.