Најактивниот вулкан во Индонезија повторно почна да исфрла чад и пепел во најновата серија ерупција за помалку од две седмици.
Вулканот Нерапи на островот Јава еруптираше двапати и исфрли вулкански материјал во височини до 1.200 местри по што пепелот покри неколку села, изјави потпаролот на Агенцијата за справување со природни катастрофи Сутопол Пурво Нугрохо.
Тој наведе дека нивото на предупредување не е зголемено, што значи дека не се очекува нова ерупција во блиска иднин
Еден од најактивните индонезиски вулкани, Сопутан, денеска почна да исфрла пепел и чад во висина од над 1,5 километри.
Вулканот се наоѓа на централниот индонезиски остров Сулавези.
Властите соопштија дека засега не планираат евакуација на локалното население, бидејќи селото, кое е најблиску до вулканот се наоѓа на околу 6,5 километри од кратерот, поради што не постои директна опасност.
Сопутан, кој се наоѓа на 2.160 километри североисточно од Џакарта, претходно еруптираше во јули минатата година.
Индоензија се наоѓа на т.н. огнен појас на Пацификот, кој е составен од низа вулкани, кои го опкружуваат Тихиот Океан. Во таа земја има најмногу активни вулкани во светот.
