Температурите на воздухот во рускиот град Краснојарск се спуштаат до минус 50 Целзиусови степени, а локалните власти ги затворија училиштата поради екстремниот студ во овој сибирски регион.
Дневните температури на воздухот во Краснојарск се просечно околу минус 35 степени Целзиусови, а ноќе се спуштаат до минус 50.
Училиштата се привремено затворени, а маглата ја намалува видливоста и го отежнува сообраќајот. Поради големиот студ и маглата исчезна големиот сообраќаен метеж.
Краснојарск е главен град на истоимениот регион во Русија, на горниот тек на реката Јенисеј и на Транссибирската железница.
Тој е еден од најголемите културни и индустриски центри на Сибир, а познат е и по производството на локомотиви, комбајни, челични конструкции, градежни материјали, цемент, кожа, гума, синтетички влакна, целулоза, хартија, свила, електротехнички уреди и фармацевтски производи.