Силна експлозија одекна денеска пред зградата на либиското Министерство за надворешни работи во Бенгази, јави ДПА.
Според извори во либиските безбедносни сили, зградата била цел на напад со автомобил-бомба.
При експлозијата полесно се повредени неколкумина случајни минувачи.
При нападот урнат дел од зградата на Министерството, а поголеми оштетување се нанесени и на соседниот објект на Централната банка на Либија.
Експлозијата се случува на првата годишнина од нападот врз американскиот Генерален конзулат во Бенгази од страна на група исламисти поврзани со Ал Каеда, при што загинаа четворица Амриканци, меѓу кои и амбасадорот на САД во Либија, Кристофер Стивенс.