Панел од експерти на Советот за човекови права на ОН за ситуацијата на окупираната палестинска територија изјавиja дека Израел извршил злосторства против човештвото и истребување како дел од „координирана кампања за уништување на палестинските животи“ со убивање цивили кои се кријат во училишта и верски објекти во Појасот Газа.
– Гледаме сè повеќе докази дека Израел спроведува координирана кампања за уништување на палестинските животи во Појасот Газа, изјави Нави Пилај, поранешна висока комесарка на ОН за човекови права, која претседава со панелот, објави Ројтерс.
Според неа, таргетирањето на образовниот, културниот и религиозниот живот на палестинскиот народ од страна на Израел ќе им наштети на сегашните и идните генерации, попречувајќи го нивното право на самоопределување.