Научници пресметале дека веројатноста до 24 октомври вирусот на ебола да се прошири во Франција изнесува 75 отсто, а во Велика Британија 50 проценти.
Ваков заклучок донеле експерти од британскиот Универзитет Ланкестер, кои го проучувале досегашното ширење на вирусот на смртоносната хеморагична треска и податоците од авионскиот сообраќај кон и од најзагрозените африкански држави од оваа болест.
Во случај авионските летови да бидат намалени за 80 отсто, како што планираат некои авиокомпании, ризикот за Франција и Велика Британија ќе се намали до 25, односно 15 проценти, тврадт научниците.
За Белгија шансите да се прошири еболата се 40 отсто, додека за Шпанија и Швајцарија се значително помали – 14 проценти.
– Тоа е вистинска лотаријаа, изјави вирусологот Дерек Гадрер, кој го следи ширењето на епидемијата од ебола, која од март досега предизвика над 3.400 смртни случаи во Западна Африка.