Еден човек е уапсен денеска при инцидент крај Белата куќа.
Тајната служба го забележала човекот како се „однесува сомнително“ во близина на северната ограда на Белата куќа, кон паркот Лафает и авенијата Пенсилванија, дел од објектот кој е најдостапен за случајните минувачи и повремените демонстранти, кои некогаш се обидуваат и да се прекачат преку оградата.
Засега не е објавено името на уапсеното лице или пак точните причини за апсењето.
Претседателот Доналд Трамп во моментот на инцидентот не бил во Белата куќа. Тој е на пат кон Перл Харбор на Хаваите, по што заминува на подолга турнеја по источна Азија.