Во присуство на малезискиот премиер Наџиб Тун Разак во главниот град на Малезија се оддржа несекојдневна церемонија на која на двојка џиновски панди, што пред еден месец Кина и ги подари на Малезија им беа дадени нови имиња.
Премиерот Разак објави дека машката панда, кој беше донесена со име Фу Ва од денеска ќе се вика Ксинг Ксинг, а женката името Фенг Ји го замени со Лианг Лианг. Името на мажјакот на кинески значи „просперитет’’, а на женката е изведено од малајскиот јазик и значи „убавина’’.
Пандите Малезија ги доби како знак на кинеска почит, по повод 40-годишнината од воспоставување на дипломатските односи меѓу двете држави. По нетрпеливоста меѓу Кина и Малезија, присутна се до почетокот на овој век, најмногу поради тоа што кинеското малцинство во Малезија контролираше над 70 посто од локалната економија, односите на Кина и Малезија се значајно подобрени, а Пекинг ја смета Малезија за свој најголем и најсериозен поддржувач во југоисточна Азија.