Џихадисти на групата Исламска држава (ИД) киднапирале 182 деца во ирачкиот град Мосул, кој е под нивна контрола, со цел да ги обучуваат за екстремисти и бомбаши-самоубијци, изјави претставникот на Курдистанската демократска партија од Мосул, Саид Мамузини.
– Во текот на изминатите неколку дена џихадистите киднапираа 182 деца од Мосул. Тие се префрлени во центри за идеолошка обука, иружје и самоубиствени акции, истакна Мамузини.
Тој додаде дека киднапираните деца се на возраст меѓу 10 и 15 години.
ИД досега има под своја контрола голема територија од Ирак и Сирија. Ирачките сили зад себе оставиле огромни количества американско оружје, бидејќи војската на САД ги обучуваше и снабдуваше со оружје.