Двајца руски војника загинаа во Сирија при гранатирање, а трет е тешко повреден, соопшти руското Министерство за одбрана.
Руските војници, кои биле на служба по договор во една единица на сириската армија како инструктори, биле мета на гранатирање од група екстремисти.
Во соопштението не се наведува каде и кога биле убиени војниците, но според еден руски медиум, тоа се случило на 9 април. Со тоа официјалниот број на убиените руски војници во Сирија од почетокот на интервенцијата на Русија во таа земја во септември 2015 година, достигна 29 лица.