Двајца Палестинци беа убиени по напади врз Израелци во Хеброн, во јужниот дел од окупираниот Западен брег на реката Јордан.
Во првиот напад 23-годишен маж повредил со нож израелски војник. Подоцна напаѓачот се обидел да убие друг војник, но бил застрелан од израелските сили. Израелски војници убиле и друг Палестинец кој сакал со нож да повреди нивни колега.
Во изминатите денови Хеброн се претвори во „епицентар“ на новиот бран насилство меѓу Палестинци и Израелци. Од почетокот на новиот бран насилства пред шест недели, беа убиени 11 Израелци и 58 Палестинци, од кои 38 извршители на такви напади.