Службите за итни случаи се упатија кон аеродромот во Даблин, откако најмалку 12 патници и членови на екипажот се повредени за време на турбуленции на летот на Катар ервејс.
Според извештаите, авионот летал од Доха за Даблин, кога почувствувале многу силни турбуленции над Турција. Шест патници и шест членови на екипажот се повредени.
Аеродромот во Даблин соопшти дека авионот безбедно слетал околу 13 часот по локално време.
AVIATION : 12 personnes ont été blessées ce dimanche à bord d'un Boeing 787 de Qatar Airways qui a subi des turbulences pendant son vol reliant Doha à Dublin (aéroport de Dublin). pic.twitter.com/86Uh3bIegT
— Infos Françaises (@InfosFrancaises) May 26, 2024
„При слетувањето, на авионот присуствуваа служби за итни случаи, вклучително и аеродромска полиција и нашата сопствена противпожарна и спасувачка служба, бидејќи шест патници и шест членови на екипажот пријавиле повреди откако авионот доживеал турбуленции додека летал над Турција. Тимот на аеродромот продолжува да дава целосна помош на теренот до патниците и персоналот на авиокомпанијата“, се наведува во соопштението.
Претходно оваа недела, во одделен инцидент, еден Британец загина на лет на Сингапур Ерлајнс откако доживеа екстремни турбуленции на пат од Лондон до Сингапур.