Драма на небото: Авионот влетал во силни турбуленции, неколкумина повредени

Од:

Службите за итни случаи се упатија кон аеродромот во Даблин, откако најмалку 12 патници и членови на екипажот се повредени за време на турбуленции на летот на Катар ервејс.

Според извештаите, авионот летал од Доха за Даблин, кога почувствувале многу силни турбуленции над Турција. Шест патници и шест членови на екипажот се повредени.

Аеродромот во Даблин соопшти дека авионот безбедно слетал околу 13 часот по локално време.

„При слетувањето, на авионот присуствуваа служби за итни случаи, вклучително и аеродромска полиција и нашата сопствена противпожарна и спасувачка служба, бидејќи шест патници и шест членови на екипажот пријавиле повреди откако авионот доживеал турбуленции додека летал над Турција. Тимот на аеродромот продолжува да дава целосна помош на теренот до патниците и персоналот на авиокомпанијата“, се наведува во соопштението.

Претходно оваа недела, во одделен инцидент, еден Британец загина на лет на Сингапур Ерлајнс откако доживеа екстремни турбуленции на пат од Лондон до Сингапур.

Би можело да ве интересира

ВИДЕО: Авион итно евакуиран, има повредени

Предраг Петровиќ

Пронајдени две тела во опрема за слетување на авион JetBlue на аеродромот во Флорида

Боинг 737 на „Утер“ принудно слета на московскиот аеродром поради дефект

Горан Наумовски

(ВИДЕО) Авион во Канада принудно слета и се запали

Азербејџан тврди: Руска ракета го урна авионот на „Азербејџан ерлајнс“

Драма на небото над Белград: Авионот се судри со јато птици