Летот на ЕasyJet од Хургада до Манчестер принудно слета во Атина, откако капетанот се онесвестил за време на летот, објави денеска Дејли мејл.
Неименуван патник за британскиот весник изјавил дека екипажот ги прашал патниците дали некој од нив се медицински работници и ги информирал дека авионот ќе изврши итно слетување.
„Почнавме да паничиме, мислејќи дека е крајот. Еден од патниците имал напад на паника, па му ставиле маска за кислород“, рекол патникот.
Easyjet го потврди инцидентот и рече дека копилотот извршил „рутинско“ слетување на аеродромот во Атина.
По безбедното слетување, екипажот и патниците беа пречекани од голем број противпожарни возила, полициски автомобили и возила на брзата помош.
Моменталната состојба на пилотот не е позната.