Околу 224.000 мигранти влегле во Европа преду Средоземното Море од почеток на годинава, соопшти денеска Високиот комесаријат за бегалци на ОН (УНХЦР).
Според податоците на УНХЦР, до крајот на јули во Италија пристигнале 98.000 мигранти, а во Грција 124.000.
Во истиот период 2.100 лица загинале или исчезнале во морето. Во овој биланс не се вклучени жртвите од последните денови во близина на либискиот брег, наведува УНХЦР.