Една Французинка овие денови добила телефонска сметка која не би можела да ја плати ниту една финансиски силно поткрепена држава. Имено износот на сметката за телефон изнесувал над 11 трилиони евра.
Операторот „Бугис“ на југозападот на Франција на една поранешна корисничка и испратил сметка во која очигледно дошло до забуна.
Како што пренесуваат француските медиуми, по откажувањето на услугата на операторот, жената добила писмо со барање да ја плати сметката од 11.721.000 000 000 000 евра, односно 11,7 трилиони евра.
На сметката имаше толку многу нули што не знаев колку пари е тоа, вели Солен Сан.
Неколкуте повици кон сервисниот центар биле неуспешни, бидејќи и е кажано дека сметките се издаваат автоматски и дека мора да ја плати сметката.
Портпаролот на операторот, меѓутоа ја призна грешката и рече дека вистинскиот износ кој треба да го плати жената изнесува 117,21 евра.
Жената одлучи да им прости за грешката.