Откако ќе биде потпишан Меморандумот за разбирање меѓу САД и Иран, дипломатската активност на САД ќе се фокусира на војната во Украина, изјави денес американскиот претседател Доналд Трамп.
– Имавме многу добар разговор со претседателот (на Украина) Володимир Зеленски и претседателот (на Русија) Владимир Путин и гледам дека можеби можеме да направиме нешто, навистина. Мислам дека двајцата се отворени за тоа. Знаете, сега ќе се фокусираме на Украина, рече Трамп.
Зеленски рече дека понудил средба на маргините на самитот на Г7 со Путин за да разговараат за завршување на четиригодишната војна, но дека рускиот лидер „не бил подготвен да разговара“.