Најмалку девет лица денеска се убиени, а четири куќи се уништени во напад врз градот Астане-је Ашрафије во северната иранска покраина Гилан, потврдија локалните власти.
Во соопштението од канцеларијата на гувернерот се вели дека уште 33 лица се повредени, опишувајќи го нападот како „терористички“. Заменик-гувернерот рече дека меѓу загинатите и повредените има 16 жени и деца.
Иранските медиуми објавија дека нападот го извршила израелската војска, иако официјален Израел сè уште не ги коментирал тврдењата. Некои медиуми објавија дека меѓу загинатите е иранскиот нуклеарен научник Мухамед Реза Седики.
Израелските одбранбени сили (ИДФ) во извештај соопштија дека „елиминирале уште еден високо рангиран ирански нуклеарен научник преку ноќ“, но неговото име сè уште не е официјално објавено.
