Најмалку 10 украински цивили загинаа, а 20 се ранети во најновото руско гранатирање, јавува Асошиејтед прес (АП), повикувајќи се на канцеларијата на украинскиот претседател.
Регионалните власти тврдат дека најмногу настрадале градовите и селата на истокот и југот на земјата кои се во домет на руската артилерија.
Шест лица загинаа во регионот Доњецк, две во Херсон и две во регионот Харков, извести АП.
Гувернерот на Доњецк Павло Кириленко ја обвини руската армија дека употребила фосфорна муниција во гранатирањето на селото Званивка, кое е на околу 20 километри оддалечено од Бахмут, градот каде се водат најжестоките битки во последните месеци.
Тој додаде дека во гранатирањето биле оштетени и станбени згради и две училишта во блискиот град Вухледар.