Во Белгија денеска е прогласен Ден на жалост во сеќавање на жртвите од поплавите од минатата недела.
Вкупно се изброени 31 жртва од невремето што го зафати истокот и југот на Белгија во текот на минатата недела.
Точно на пладне сите знамиња ќе бидат спуштени на половина копје и ќе се одбележи со една минута молк во целата држава, додека сите сирени на спасувачките служби ќе бидат вклучени.
Седумдесет лица сѐ уште се водат за исчезнати и по нив сѐ уште се трага, а многу куќи се целосно уништени.
Кралот Филип Втори, премиерот Де Кро и неколку министри ќе посетат дел од најпогодените места, ќе се сретнат со жртвите, пожарникарите, полицијата и локалните власти.
Јавниот превоз исто така ќе застане целосно помеѓу 12:00 и 12:01 часот.