Демонстранти синоќа упаднаа во либискиот парламент во Тобрук и запалија оган пред зградата за да го покажат својот гнев кон завојуваните политички партии во Либија.
Како што пренесуваат странските агенции, безбедносните сили кои го штитат парламентот се повлекоа од местото на настанот.
Во петокот се одржаа протести во Тобрук, Бенгази и некои помали градови поради неуспехот на владата.
Либија е во хаос од бунтот поддржан од НАТО во 2011 година, кога беше соборен Моамер Гадафи. Во 2014 година, таа се подели меѓу завојуваните источни и западни фракции пред почетокот на мировниот процес што започна во 2020 година за повторно обединување на земјата.
Сепак, откако закажаните избори беа стопирани во декември, парламентот со седиште во источниот дел објави дека привремената влада на единството на Абдулхамид ал-Дбеибаха е со истечен мандат и го назначи Фати Башага да го замени.
Извор: МИА