Опозициската Демократска партија на Монголија (ДПМ) победи на парламентарните избори, кои се одржаа на 28 јуни, со мала предност во однос на главниот конкурент Монголската народна партија (МНП), соопшти Централната изборна комисија.
Според официјалните податоци, ДПМ освоила 35,32 процента од гласовите, а МНП 31,31 отсто. По нив следува коалицијата меѓу „Правда“ и Монголската народнодемократска партија, која освои вкупно 22,31 процент од гласовите.
Според Уставот победничката партија ќе добие право да формира влада. Се очекува на 13 јули новоизбраниот парламент да ја одржи првата седница и да избере премиер.