Нема податоци за непосредна терористичка закана врз Њујорк ипокрај предупредувањето од новата видео-порака на Исламска држава дека најнаселениот град во САД е потенцијална цел на напади како Париз.
– Нема конкретна закана за Њујорк, изјави градоначалникот Бил де Блазио. Тој ги повика жителите на градот да продолжат со нормалниот живот.
Во видео пораката на ИД има кадри од Тајмс сквер и Хералд сквер, но и инсерти од Париз и на претседателот Оланд.
Де Блазио рече дека во Њујорк има 35 илјади полицајци кои не би дозволиле нови напади во Њујорк.
– Пред една недела почна со работа и Командата за брз одговор и таа постепено ќе се зголеми на 500 припадници чија одговорност ќе биде антитерористичка дејност, изјави Де Блазио. Новата единица ќе биде дополнение на 1000-та офицери кои веќе работат на антитерористичка програма.