Данска во последните денови испрати приватни пораки до тимот на новоизбраниот претседател на САД, Доналд Трамп, изразувајќи подготвеност да разговара за зајакнување на безбедноста на Гренланд, или зголемување на американското воено присуство на островот, изјавија за Аксиос два добро информирани извори.
Како што изјавија изворите на Аксиос, данската влада сака да ги искористи пораките испратени до Трамп преку неговите советници за да го убеди новиот претседател дека неговите безбедносни грижи може да се решат без претензии на САД кон Гренланд.
Изворите на Аксиос рекоа дека данската влада сака да избегне јавен конфликт со новата американска администрација, па затоа побарала од членовите на тимот на Трамп појаснување за тоа што мислел новиот претседател со неговите изјави за Гренланд.