Данска испрати седум авиони-ловци „Ф-16“ во турската воена база Инџирлик во Адана, јужна Турција, кои ќе учествуваат во операции против ИД, објави весникот „Милиет”.
Авионите ќе останат во базата шест месеци, при што е планирано да учествуваат во операциите, а потоа и во функција на логистичка поддршка. Освен воените авиони, во базата се испратени и 120 воени лица.
Претходно, во военовоздухопловната база Инџирлик свои авиони испратија САД и четири други држави од нивната коалиција за борба со ИД – Велика Британија, Германија, Катар и Саудиска Арабија.