Данскaтa премиерка Мете Фредериксен изјави денеска на конференцијата ГЛОБСЕК во Прага дека победата на Украина во војната со Русија нема алтернатива.
„Ако Русија победи, не само Украина ќе биде поразена, туку и сите ние. Европската Унија никогаш не била толку силна како денес. Понекогаш имаме внатрешни дискусии, но 26 членки ја поддржуваат победата на Украина. Европа никогаш не била толку обединета како што е сега“, вели Фредериксен, пренесува „Украинска правда“.
Таа ги повика сите оние кои не ја поддржуваат адекватно победата на Украина да „сфатат колку е опасна ситуацијата“ и потврди дека Данска не ја ограничува употребата на борбените авиони Ф-16 што ги добива украинската армија.