Данска ги повлекува своите седум Ф-16 авиони од воената операција предводена од САД против Исламска држава во Сирија и Ирак, откако Пентагон соопшти дека во воениот напад на нивните авиони убиени се 90 припадници на сириските режимски сили.
Министерот за надворешни работи на Данска Андерс Самуелсен пред новинарите, а по средбата со Одборот за надворешни работи на данскиот парламент, рече дека наместо авиони ќе бидат испратени дополнителни 20 или 21 војници.
Според министерот за одбрана на Данска, Клаус Хјорт Фредериксен новите војници ќе ги обучуваат ирачките сили во операциите за деминирање.