Новата претседателка на Партијата за независност на Велика Британија (УКИП) од денеска е Дајан Џејмс. На таа функција го наследува Најџел Фараж.
На конгресот на партијата во Борнмут е објавено дека Џејмс е нова претседателка по освоени 8.451 глас од членови на УКИП. Фараж најави оставка веднаш по референдумот за напуштање на ЕУ.
Првичниот фаворит и сојузник на Фараж, Стивен Вулф беше исклучен од изборниот натпревар бидејќи при поднесувањето пријава задоцни 17 минути.
Партијата има еден претставник во британскиот парламент.
Откако Британците на референдум во јуни изгласаа напуштање на ЕУ, тоа беше прокоментирано од западни медиуми како триумф на УКИП, но оттогаш таа десничарска партија се соочува со кризи.