Меѓу 298 патници во несреќата со малезискиот авион, беа 154 државјани на Холандија, 27 Австралијци, 23 лица од Малезија, 11 од Индонезија, шест Британци, три Филипинци и еден од Канада, додека националноста на останатите 47 патници се уште не е позната, објави европската филијала на малезискиот авиопревозник.
Холандскиот премиер Марк Рут изјави дека четврток е „црн ден„ за Холандија, а падот на авионот веројатно е најлошата авионска несреќа во холандската историја.
-Овој преубав летен ден заврши на најлошиот можен начин-рече тој во своето обраќање на аеродромот Шипхол во Амстердам.
На сите владини згради во Холандија, знамињата ќе бидат на половина копје, поради смртта на 154 државјани на оваа држава.
Е. Г.