Британскиот премиер Кир Стармер денеска изјави дека разговорите за Украина не можат да се водат без учество на Украина.
„Никој не сака крвопролевањето да продолжи. Никој, а најмалку Украинците. Но, по се што претрпеа, по се за што се бореа, не може да има дискусија за Украина без Украина, а народот на Украина мора да има долгорочна сигурна иднина“, рече тој.
Стармер истакна дека одржувањето на солидарноста со Украина не е само морално исправно, туку и во национален интерес на Велика Британија, пренесува Ројтерс.