ЦИА го предупредува Трамп да не го поништува догoворот со Иран

Од:

Директорот на ЦИА, Џон Бренан го предупреди новоизбраниот американски претседател Доналд Трамп, да не го поништува нуклеарниот договор со Иран.

– Укинувањето на овој договор би било катастрофално решение и крајно будалесто, изјави Бренан во интервју за Би-Би-Си.

Актуелниот директор на ЦИА го советува Трамп и за тоа да биде „мошне претпазлив“ околу неговите ветувања за Русија и ја повтори позицијата на сегашната американска админстрација за „вината на Москва“ за многу од сегашните „страдања во Сирија“.

Во текот на предизборната кампања, Трамп се закануваше дека ако стане претседател ќе го откаже договорот со властите во Техеран за нивната нуклеарна програма, како и дека ќе работи за потесни врски со Русија.

Џон Бренан се повлекува од функцијата во јануари, откако четири години беше директор на ЦИА.

Во интревјуто тој вели дека Русија има способност и капацитети за спроведувањр хакерски напади, но не одговари дали Москва се вмешала во годинешниве претседателски избори во САД со ослободување на доверливи информации за да му се наштети на едниот, а да му се помогне на другиот кандидат.

Бренан призна оти имало разговори со неговите колеги од „другата страна“, на кои Русија била предупредена дека сите нејзини (хакерски) акции ќе бидат уништени

Разговорот за Би-Би-Си е првото интервју што еден директор на оваа американска разузнавачка агенција го има дадено за еден британски медиум.

Би можело да ве интересира

Трамп: Многу од заложниците што ги чекаме не се меѓу живите

Трамп: Ники Хејли би можела да биде во мојот тим

Телеграма за сочувство до раководството и до иранскиот народ, упати претседателот на Левица, Димитар Апасиев

ВИДЕО: Ќерката на убиена Иранка ја прослави смртта на Раиси со алкохол и босанска песна

Израел тврди дека не е вмешан во смртта на Раиси

(ВИДЕО) Објавена снимка: спасувачите ги носат телата по несреќата на Раиси