Членови на семејството на напаѓачот во Утрехт: Го направи тоа поради семејни проблеми

Од:

Членови на семејството на напаѓачот од Утрехт изјавиле дека Ѓокмен Танис го извршил нападот поради семејни проблеми, јави „Анадолија“.

Наводно поради семејни проблеми, тој утрово пукал во луѓето во трамвај. Најпрво пукал во член од неговото семејство, а потоа и во луѓето кои се обидувале да му помогнат на повредениот.

Според пишувањата на холандските медиуми, Танис имал нарушено ментално здравје, а пред две недели бил на судење поради силување.

Полицијата соопшти дека се разгледуваат повеќе можни причини за нападот и дека не е утврдено дали станува збор за терористички напад. Исто така, полицијата не ја исклучува можноста нападот да е извршен од семејни причини.

Танис со години не бил во контакт со татко му, кој живее во Турција. Се појавија и информации дека неговите родители се разведени, по што неговиот татко повторно се оженил.

Полицијата го уапси Танис неколку часа по нападот. Градоначалникот на Утрехт, Јан ван Занен, соопшти дека се убиени три лица, а дека девет се повредени. Подоцна полицијата соопшти дека се повредени пет лица.

Би можело да ве интересира

Песни од македонската поетеса Љубинка Давидовска на светски конкурс во Холандија

А1он

Уапсени двајца патници кои одбиле да носат маски во авион

А1он

Амстердам и Ротердам воведоа задолжително носење заштитни маски

А1он

Холандската влада не препорачува носење заштитни маски

А1он

Две лица загинаа при уривање на холандски воен хеликоптер

Ана Ололовска

Холандија ја тужи Русија пред Европскиот суд за човекови права за соборување на авионот на „Малезија ерлајнс“

А1он