Четири војници на Израелските одбранбени сили (ИДФ) беа убиени во експлозија на зграда во Кан Јунис во јужниот дел на Појасот Газа денес, соопшти израелската војска.
Портпаролот на ИДФ, бригаден генерал Ефи Дефрин, на прес-конференција изјави дека понекогаш „нема друг избор“ освен да се влезе во објекти во Газа за да се „истражи рутата низ тунелот“, објави „Тајмс оф Израел“.
„За да го направиме ова без да бидеме повредени од експлозивите, користиме различни методи. Ќе го истражиме овој инцидент. Ќе учиме од овој инцидент“, рече тој.