Турската полиција уапсила двајца Чеси, еден маж и една жена, под сомнение за тероризам, јавија чешките медиуми.
Како што јави дописникот на МИА од Прага, според Министерството за надворешни работи, на младата 25-годишна жена ова не и е првпат, претходно била притворена кога се движела во северен Ирак.
– Биле притворени во момент кога сакале да ја поминат границата меѓу Турција и Ирак, информира портпаролката на чешкото МНР, Михаела Лагронова, која додаде дека чешката дипломатија се обидува да овозможи депортација на Чесите во нивната татковина.
– Во Турција важат строги антитерористички закони, кои не попречуваат да дојдеме во контакт со обвинетите и тоа минимално до почетокот на судењето, изјави Лагронова.
Медиумите пишуваат дека кај Маркета Вшелихова и Мирослав Фаркаш при граничната контрола се најдени материјали, кои асоцираат на курдската милиција ИПГ, а која Турција ја смета за терористичка организација.