Чешката Влада на Јиржи Руснок, го поддржала именувањето на Ливија Клаусова, сопруга на поранешниот претседател Вацлав Клаус за амбасадор во соседна Словачка, објави чешкиот весник „Лидове новини“.
Премиерот Руснок кој е во оставка, потврди дека на една од претходните владини седници се разговарало за амбасадорски места, но не соопшти имиња.
Клаусова, за време на претседателската кампања, отворено го поддржа Земан, напаѓајќи ја сопругата на неговиот противкандидат Карел Шварценберг заради тоа што живее во Австрија и не зборува добро чешки јазик.
Земан пак, нејзиното назначување на амбасадорска функција го спомна веднаш по стапувањето на претседателската функција.