Чешката влада целосно забрани продажба на сите алкохолни пијалоци, кои содржат повеќе од 20 проценти алкохол.
Оваа одлука доаѓа по труењето од кое починаа 19 лица. Забраната се однесува на сите продавници, ресторани и хотели.
Се смета дека за смртните случаи се виновни вотката и румот од домашно производство, кои содржеа метанол, а се продаваа ефтино во продавниците и трафиките.
Чешката полиција уапси 10 лица а заплени 5.000 литри пијалок, и лажни налепници. Министерството за здравство соопшти дека забраната, незабележана до сега, стапува на сила веднаш и важи за целата држава.