Министрите на чешката и словачката Влада денеска на заедничка седница во Братислава ќе разговараат за европската безбедност, миграциската криза и билатералните односи меѓу двете земји.
Според претседателот на чешката Влада, Бохуслав Соботка, министрите во врска со европските прашања би се надоврзале на братиславскиот Самит на лидерите на членките на ЕУ, кој се одржа кон средината на септември, а на кој една од главните теми беше иднината на Унијата по заминувањето на Велика Британија.
На традиционалната, четврта по ред заедничка седница, ќе се разгледува и соработката на членките на Вишеградската група – В4 (Чешка, Словачка, Полска и Унгарија) во веќе планираните инфрастутурни проекти, јави дописникот на МИА.
Чешката Влада во сличен формат соработува и заседава и со владите на Полска и Израел.